Etenders.ge-ს გაყიდვების სისტემის ძირითადი უპირატესობებია:

• უნივერსალური პროცესები: Etenders.ge მორგებულია პროდუქტის/მომსახურების ერთჯერადი რეალიზაციის განსხვავებულ წესებსა და მიდგომებზე. განცხადების გამოქვეყნების შემთხვევაში, პოტენციური მყიდველები ამყარებენ თქვენთან კავშირს თქვენს მიერ მითითებული ფორმით, მაგალითად, ელექტრონული ფოსტით თუ ტელეფონით. იმ შემთხვევაში თუ თქვენ იყენებთ რეალიზაციის ელექტრონულ პროცედურებს, წინადადებების წარდგენა ხორციელდება Etenders.ge-ზე ატვირთვის გზით. ცხადია, ელექტრონული პროცედურები იძლევა სისტემის დამატებითი ფუნქციებითა და უპირატესობებით სარგებლობის საშუალებას (მაგ. აუქციონის ჩატარება, დოკუმენტაციის არქივირება, პროცედურის ჩატარების შემდგომი კომუნიკაცია სისტემის გამოყენებით და სხვა).

• ფართოდ გავრცელებული ყველა ტიპის რეალიზაციის პროცედურა: Etenders.ge-ზე თქვენ გაქვთ შესაძლებლობა, ჩაატაროთ რეალიზაციის ელექტრონული პროცედურა განსხვავებული მეთოდით, მაგალითად, ღია პროცედურა თუ შეზღუდული პროცედურა; რეალიზაცია ელექტრონული ვაჭრობით თუ ელექტრონული ვაჭრობის გარეშე და სხვა. რეალიზაციის საშუალებების ტიპებთან დაკავშირებით მეტი ინფორმაციის მისაღებად, გთხოვთ იხილოთ გაყიდვების ელექტრონული სისტემის გამოყენების ინსტრუქციები;

• არქივირების ფუნქცია: ელექტრონული პროცედურების შემთხვევაში, კონკრეტულ რეალიზაციის პროცედურასთან დაკავშირებული დოკუმენტაცია (როგორც თქვენი დოკუმენტაცია, ასევე სისტემურად წარდგენილი წინადადებები და წინადადებების დაზუსტებასთან დაკავშირებული კომუნიკაცია) არქივირდება Etenders.ge-ზე ტენდერის ჩატარებიდან ხუთი წლის ვადით. შედეგად, თქვენ ნებისმიერ დროს, ნებისმიერი ადგილიდან გაქვთ წვდომა შესყიდვებთან დაკავშირებულ დოკუმენტებზე.

• პოტენციური ბიზნეს პარტნიორების ვრცელი ბაზა: შესაბამისი განაცხადის გამოქვეყნებისთანავე, Etenders.ge ატყობინებს შესაბამის სფეროში მოღვაწე კომპანიებს თქვენი განაცხადის შესახებ. დღესდღეობით, ჩვენი ბაზა მოიცავს 26.000–ზე მეტ აქტიურ მიმწოდებელს.