ვებსაიტის მოხმარების პირობები და წესები
1. ტერმინთა განმარტებები
1.1 “ვებსაიტი” - www.etenders.ge და www.etender.ge.
1.2 “ვებსაიტის მფლობელი” – შპს შესყიდვების ელექტრონული სისტემა (ს.კ. 405075047).
1.3 “მომხმარებელი” - ფიზიკური ან იურიდიული პირი, რომელმაც ვებსაიტზე გაიარა რეგისტრაცია.
1.4 “განცხადება” – მომხმარებლის მიერ საქონლის, მომსახურების, სამშენებლო სამუშაოების შესყიდვის ან გაყიდვის მიზნით ვებსაიტზე გამოქვეყნებული განცხადება, სატენდერო განაცხადი, ინტერესთა გამოხატვის, ფასთა გამოკითხვის, ბაზრის კვლევის ჩატარების და/ან ბიზნეს პარტნიორის შერჩევის მიზნით მომხმარებლის მიერ ვებსაიტზე განთავსებული განცხადება.
1.5 “წინადადება” – შეთავაზება, მათ შორის სატენდერო შეთავაზება რომელიც ვებსაიტის მეშვეობით მომხმარებელმა წარუდგინა სხვა მომხმარებელს უკანასკნელის მიერ გამოცხადებული განცხადების შედეგად.
1.6 “წესები” – ვებსაიტის წინამდებარე მოხმარების პირობები და წესები.
1.7 “ვებსაიტზე განთავსებული ინფორმაცია” – მომხმარებლების მიერ ვებსაიტზე განთავსებული ნებისმიერი ინფორმაცია, მათ შორის განცხადება, წინადადება და/ან სისტემაში არსებული ჩატის საშუალებით მომხმარებლების მიერ გაგზავნილი რაიმე ინფორმაცია, და/ან მომხმარებლების მიერ სისტემაში ატვირთული ნებისმიერი ფაილების სახით გაგზავნილი ინფორმაცია და სხვა.
2. ზოგადი პირობები
2.1 ვებსაიტი და ვებსაიტის მფლობელი არ არის ვებსაიტზე განთავსებული ინფორმაციის ავტორი და არ შეიძლება მიჩნეულ იქნას მხარედ ვებსაიტზე განთავსებული ინფორმაციის მეშვეობით მომხმარებლებს შორის შეთანხმებული და/ან დადებული რაიმე სახის გარიგების მიზნებისთვის. ვებსაიტი მის მომხმარებლებს აძლევს შესაძლებლობას, ვებსაიტის ტექნიკური პლატფორმის გამოყენებით განათავსონ ინფორმაცია საკუთარი შეხედულებისა და ინტერესებისამებრ; ეხმარება მომხმარებლებს განცხადებების გავრცელებაში და აძლევს მომხმარებლებს ერთმანეთთან ელექტრონულად და/ან სხვა ფორმით დაკავშირების შესაძლებლობას.
2.2 ვებსაიტის მფლობელი არ არის ვალდებული გადაამოწმოს ვებსაიტზე განთავსებული ინფორმაციის შინაარსი.
2.3 ვებსაიტის მფლობელი არ არის პასუხისმგებელი მომხმარებლის მიერ ვებსაიტზე განთავსებული ინფორმაციის სიზუსტესა და შინაარსის შესახებ. მფლობელი არ არის პასუხისმგებელი ასეთი ინფომაციის უზუსტობით გამოწვეული შესაძლო ფინანსური დანაკარგისა თუ სხვა რაიმე სახის ზარალის ანაზღაურებაზე.
2.4 ვებსაიტზე მომხმარებლების მიერ განთავსებული ინფორმაცია არ ფლობს იურიდიულ ძალას. მომხმარებელი ვალდებულია თავად გადაამოწმოს ასეთი ინფორმაციის სისწორე სხვა მომხმარებელთან რაიმე სახის შეთანხმების დადებამდე.
2.5 მომხმარებელი ვებსაიტზე ინფორმაციას ანთავსებს და/ან ვებსაიტის მეშვეობით აგზავნის პირადად, თავისი სურვილით, საკუთარი ინტერესებიდან გამომდინარე. მომხმარებელი დამოუკიდებლად იღებს ნებისმიერ გადაწყვეტილებას საიტზე განთავსებულ ინფორმაციასთან დაკავშირებით და ასევე საკუთარ თავზე იღებს ამგვარი გადაწყვეტილების მიღებით არსებულ ნებისმიერ რისკს. ვებსაიტის მფლობელი არ ერევა ამ გადაწყვეტილებების მიღების პროცესში და არ არის პასუხიმგებელი მომხმარებლების მიერ ამ გადაწყვეტილებების მიღებასთან და მათთან დაკავშირებულ რისკებთან.
2.6 ვებსაიტზე განთავსებული ინფორმაცია არის ღია ნებისმიერი სხვა მომხმარებლისთვის, გარდა წინადადების სახით გაგზავნილი ინფორმაციისა (წარდგენილ წინადადებას ხედავს მხოლოდ განცხადების გამომცხადებელი მომხმარებელი) და გარდა ამ წესების 2.7 და 2.8 პუნქტებით გათვალისწინებული შემთხვევებისა.
2.7 მომხმარებელს საშუალება აქვს განცხადების გამოცხადებისას მონიშნოს ველი- “შეზღუდული პროცედურა” და აირჩიოს ერთი ან რამდენიმე მომხმარებელი, რომელთაც გამოუჩნდებათ მის მიერ გამოცხადებული განცხადების დეტალები. ასეთ შემთხვევაში განცხადების დეტალები დახურული რჩება სხვა მომხმარებლებისთვის
2.8 მომხმარებელს საშუალება აქვს განცხადების გამოცხადებისას მონიშნოს ველი - “ანონიმური ტენდერი”. ამ ველის მონიშვნის შემთხვევაში განცხადების გამომცხადებელი მომხმარებლის ვინაობა დამალული დარჩება სხვა მომხმარებლებისათვის. განცხადების დასრულების შემდეგ, გამომცხადებლის ვანაობა გამოუჩნდებათ მხოლოდ იმ მომხმარებლებს, რომლებსაც ამ განცხადებაში წარდგენილი აქვთ წინადადება.
3. მომხმარებლის რეგისტრაცია
3.1 ვებსაიტზე რეგისტრაციის გასავლელად, საჭიროა მომხმარებელმა შეავსოს შესაბამისი სავალდებულო ველები, გაეცნოს და დაეთანხმოს წინამდებარე წესებს. რეგისტრაციისას დაფიქსირებული ინფორმაციის სისწორეზე პასუხისმგებელია თავად მომხმარებელი.
4. განცხადების განთავსება და წინადადებების წარდგენა
4.1 მომხმარებელს საშუალება აქვს შესაბამისი საფასურის გადახდის შემდეგ განათავსოს განცხადება ვებსაიტზე ინტეგრირებული შესყიდვისა და გაყიდვის საშუალებებიდან ერთერთის გამოყენებით.
4.2 მომხმარებელს უფლება აქვს შესაბამისი საფასურის გადახდის შემდეგ ვებსაიტის მეშვეობით, ელექტრონულად წარადგინოს წინადადება სხვა მომხმარებლის მიერ გამოქვეყნებულ განცხადებაში მითითებული პირობების შესაბამისად.
4.3 ვებსაიტზე მოქმედებს შემდეგი ტარიფები:
4.3.1 ტენდერის გამოცხადება – 50 ლარი
4.3.2 წინადადების წარდგენა – 50 ლარი
4.3.3 წინადადების წარდგენა შეზღუდული ტიპის პროცედურაში არის უფასო.
4.3.4 წინადადებების წარსადგენად, მომხმარებელს ეძლევა საშუალება ისარეგებლოს პერიოდული აბონემენტით ქვემოთ მოცემული ტარიფების შესაბამისად. აბონემენტის მოქმედების ვადის განმავლობაში მომხამრებლებს საშუალება ექნებათ წარადგინონ ნებისმიერი რაოდენობის წინადადება.
- წინადადებების წარდგენის სამ თვიანი აბონემენტი - 180 ლარი;
- წინადადებების წარდგენის ექვს თვიანი აბონემენტი - 300 ლარი;
- წინადადებების წარდგენის თორმეტ თვიანი აბონემენტი - 500 ლარი.
4.3.5 აბონემეტის ღირებულების გადახდა ხორციელდება ვებსაიტის მფლობელის საბანკო ანგარიშზე შესაბამისი თანხის ჩარიცხვის გზით. ჩარიცხვის განხორციელების შემდეგ მომხმარებელმა ვებსაიტის მფლობელს უნდა გაუგზავნოს გადახდის დამადასტურებელი დოკუმენტი შემდეგ ელ. ფოსტის მისამართზე: info@etenders.ge. აღნიშნულის შემდეგ, ვებ-საიტის მფლობელი მომხმარებელს გაუაქტიურებს მის მიერ ნაყიდ აბონემენტს ერთი სამუშაო დღის ვადაში. ვებსაიტის მფლობელის საბანკო რეკვიზიტები: ს.ს. თიბისი ბანკი, GE33TB7664536020100002
4.4 გადახდილი საფასურის უკან დაბრუნება დაუშვებელია, გარდა იმ შემთხვევისა როდესაც განცხადების გამოქვეყნება ან წინადადების წარდგენა ვერ მოხერხდა ვებ-საიტის ტექნიკური გაუმართაობიდან გამომდინარე. პრეტენზიის არსებობის შემთხვევაში, მისი წარმოშობიდან 24 საათის განმავლობაში მომხმარებელი ვალდებულია წარმოუდგინოს წერილობითი პრეტენზია ვებსაიტის მფლობელს შემდეგ ელექტრონული ფოსტის მისამართზე: info@etenders.ge. ვებსაიტის მფლობელი 1 (ერთი) კალენდარული თვის განმავლობაში ვალდებულია განიხილოს ეს პრეტენზია და აცნობოს პრეტენზიის წარმომდგენ მომხმარებელს თანხის დაბრუნებასთან დაკავშირებული გადაწყვეტილება. ამასთან, ვებსაიტის მფლობელი არ განიხილავს ისეთ ტექნიკურ გაუმართაობასთან დაკავშირებულ პრეტენზიებს, რომელის შესახებაც ამ წესების შესაბამისად მომხმარებელი წინასწარ იყო გაფრთხილებული.
5. მომხმარებლის უფლებები და ვალდებულებები
5.1 ვებსაიტზე განცხადების დამატების უფლება აქვს ნებისმიერ ფიზიკურ და იურიდიულ პირს.
5.2 მომხმარებელი ვალდებულია მისი მომხმარებლის სახელისა და პაროლის არასანქცირებული გავრცელების შემთხვევაში დაუყოვნებლივ განახორციელოს პაროლის ცვლილება ან დაუყოვნებლივ აცნობოს ვებსაიტის ადმინისტრაციას მომხმარებლის სახელისა და პაროლის არასანქცირებული გავრცელების შესახებ.
5.3 მომხმარებელს არ აქვს უფლება ვებსაიტზე განათავსოს ან ვებსაიტის მეშვეობით გააგზავნოს ისეთი სახის ინფორმაცია, რომელიც ეწინააღმდეგება საქართველოში მოქმედ შესაბამის კანონმდებლობას. ვებსაიტზე დარეგისტრირებული ყველა მომხმარებელი საქართველოს კანონმდებლობის შესაბამისად პასუხისმგებელია მის მიერ ვებსაიტზე განხორციელებული ყველა მოქმედების შესაძლო იურიდიულ შედეგზე.
5.4 მომხმარებელს ეკრძალება ვებსაიტზე ისეთი ინფორმაციის განთავსება, რომელმაც შესაძლოა მიაყენოს მატერიალური ან სხვა სახის ზიანი ვებსაიტის მფლობელს.
5.5 თუ მომხმარებელს უჩნდება რაიმე სახის პრეტენზია ან გაუგებრობა სხვა მომხმარებლის მიმართ, იგი წარადგენს თავის პრეტენზიას უშუალოდ იმ მომხმარებელთან, რომლის მიმართაც აქვს პრეტენზია, ვებსაიტის მფლობელისგან დამოუკიდებლად და მისი წინასწარი შეტყობინების/ ან მისთვის პრეტენზიის წარდგენის გარეშე. ვებსაიტის მფლობელი (ასევე მისი ნებისმიერი თანამშრომელი) არ არის პასუხისმგებელი ნებისმიერი ამგვარი პრეტენზია/მოთხოვნებისგან. მათ შორის: ზარალის კომპენსაციისგან, ხარჯების ანაზღაურებისგან და ნებისმიერი დანახარჯის ანაზღაურებისგან დაკავშირებული ვებსაიტის მეშვეობით შემდგარ შეთანხმებასთან.
5.6 მომხმარებელი ვალდებულია იმოქმედოს საქართველოს მოქმედი კანონმდებლობის და წინამდებარე წესების შესაბამისად და აგოს პასუხი ვებსაიტზე მის მიერ განხორციელებულ ნებისმიერ ქმედებაზე საქართველოს კანონმდებლობით გათვალისწინებული წესით. მათ შორის მომხარებელს ეკრძალება ვებსაიტზე ისეთი სახის ინფორმაციის განთავსება: 1) რომელსაც განზრახ შეცდომაში შეჰყავს სხვა მომხმარებელი, 2) რომელიც ლახავს მესამე პირის ღირსებას ან ბიზნეს რეპუტაციას, 3) რომელიც შეიცავს რელიგიური, ეთნიკური ან სხვა ტიპის უმცირესობათა დისკრიმინაციას, 4) რომელიც შეიცავს სიძულვილის ენას ან მუქარას ვინმეს მიმართ, 5) რომელიც შეიცავს უცენზურო სიტყვებს.
5.7 მომხმარებელი თავისუფალია განსაზღვროს მის მიერ განთავსებული განცხადების/წინადადების პირობები და აირჩიოს თუ რომელ მომხმარებელთან და რა შემთხვევაში სურს შემდგომი სახელშეკრულებო ურთიერთობის გაგრძელება.
5.8 მომხმარებელი უფლებამოსილია ვებსაიტის მფლობელს მოსთხოვოს მომხმარებლის მიერ ვებსაიტზე, მის პროფილში მითითებული პერსონალური მონაცემების წაშლა. პერსონალური მონაცემების წაშლის მოთხოვნით მომხმარებელი, ვებსაიტის მფლობელს მიმართავს შემდეგ ელ. ფოსტის მისამართზე: info@etenders.ge. ასეთ შემთხვევაში, ვებსაიტის მფლობელი, ელ. ფოსტაზე განცხადების მიღებიდან, 5 სამუშაო დღის ვადაში უზრუნველყოფს პერსონალური მონაცემების ვებსაიტიდან წაშლას.
6. ვებსაიტის მფლობელის უფლებები და ვალდებულებები
6.1 ვებსაიტის მფლობელი არ აგებს პასუხს მომხმარებლების მიერ ვებსაიტზე განთავსებული ინფორმაციის შინაარსსა და მის სისწორეზე.
6.2 ვებსაიტის მფლობელი იტოვებს უფლებას გაზარდოს ან შეამციროს ვებსაიტზე განცხადების განთავსებისა და წინადადების წარდგენის საფასური მომხმარებელთა წინასწარი ინფორმირების გარეშე.
6.3 ვებსაიტის მფლობელს უფლება აქვს წინასწარი გაფრთხილების გარეშე წაშალოს მომხმარებლის მიერ ვებსაიტზე განთავსებული ინფორმაცია, რომლიც რაიმე ფორმით ეწინააღმდეგება ამ შეთანხმების წესებს ან საქართველოს კანონმდებლობას.
6.4 ვებსაიტის მფლობელს უფლება აქვს წინასწარი გაფრთხილების გარეშე მოახდინოს იმ მომხმარებლების დეაქტივაცია, რომელთა ქმედება ეწინააღმდეგება ამ შეთანხმების წესებს ან საქართველოს კანონმდებლობას.
6.5 ვებსაიტის მფლობელი პასუხს არ აგებს მომხმარებლის მიერ ვებსაიტზე განთავსებული ინფორმაციის დაკარგვის შემთხვევაში.
6.6 ვებსაიტის მფლობელი არ იძლევა გარანტიას ვებსაიტის მუდმივ ტექნიკურ გამართულობაზე.
6.7 ვებსაიტის მფლობელი პასუხს არ აგებს იმ წინადადებების ადრესატამდე მისვლაზე, რომელთა წარდგენაც განხორციელდა წინადადებების მიღების ვადის ამოწურვამდე დარჩენილ ბოლო 5 წამში.
6.8 ვებსაიტის მფლობელი ვალდებულია მომხმარებლებს მათ მიერ რეგისტრაციისას მითითებულ ელექტრონულ ფოსტაზე მინიმუმ 24 საათით ადრე აცნობოს ვებსაიტზე დაგეგმილი გეგმიური ტექნიკური სამუშაოების განხორციელების შესახებ, რომელმაც შესაძლოა გამოიწვიოს ვებსაიტის გამართულად ფუნქციონირების შეფერხება. მომხმარებელს არა აქვს უფლება, წარმოადგინოს რაიმე პრეტენზია ან ფინანსური მოთხოვნა ამგვარ შეტყობინებაში მითითებული პერიოდის განმავლობაში ვებსაიტის ტექნიკურ გაუმართაობასთან დაკავშირებით.
6.9 ვებსაიტის მფლობელს უფლება აქვს შეიტანოს ცვლილებები წინამდებარე წესებში მომხმარებელთა წინასწარი გაფრთხილების გარეშე, ამასთან ვებსაიტის მფლობელი ვალდებულია წინამდებარე წესებში შეტანილი ცვლილებების შესახებ აცნობოს მომხმარებლებს მათ მიერ რეგისტრაციისას მითითებულ ელექტრონულ ფოსტაზე წერილის გაგზავნით.
6.10 ვებსაიტის მფლობელი უფლებამოსილია თავისი შეხედულებისამებრ შეარჩიოს ვებსაიტის უსაფრთხოების ზომები და ვალდებულია უზრუნველყოს შერჩეული უსაფრთხოების ზომების გამართული მუშაობა. ვებსაიტის მფლობელი თავისუფლდება ნებისმიერი პასუხისმგებლობისაგან და არ აგებს ფინანსურ პასუხისმგებლობას დაკავშირებულს მესამე პირის მიერ განხორციელებული კიბერშეტევით გამოწვეულ შესაძლო ზიანთან.
6.11 ვებსაიტის მფლობელი უფლებამოსილია დაამუშაოს და გამოიყენოს მომხმარებლის მიერ ვებსაიტზე დაფიქსირებული პერსონალური ინფორმაცია შემდეგი მიზნებისათვის:
- მომხმარებელთან კომუნიკაციისთვის;
- მომხმარებლისთვის პოტენციურად საინტერესო განცხადებების შესახებ ინფორმაციის მიწოდებისთვის;
- მომხმარებლისთვის ვებსაიტის მომსახურებისა და პროდუქტების მიწოდებისთვის;
- მომხმარებელზე მორგებული მარკეტინგული აქტივობების შესამუშავებლად და განსახორციელებლად;
- ვებსაიტის პროდუქტებისა და მომსახურების სამართავად, განსავითარებლად და სტატისტიკების წარმოებისთვის.
პერსონალური ინფორმაცია, მუშავდება და გამოიყენება მომხმარებლის თანხმობის საფუძველზე. მომხმარებლის მიერ თანხმობის გაცემა ხდება მის მიერ ვებსაიტზე რეგისტრაციისას, "გავეცანი და ვეთანხმები შეთანხმების წესებს" მონიშვნით.
7. დავების გადაწყვეტა
7.1 ამ წესებთან დაკავშირებით წარმოშობილი ყველა დავა გადაიჭრება ურთიერთშეთანხმების გზით. შეთანხმების მიუღწევლობის შემთხვევაში, დავის გადასაწყვეტად მხარეები უფლებამოსილნი არიან მიმართონ სასამართლოს საქართველოს მოქმედი კანონმდებლობის შესაბამისად.