იცოდით, რომ Etenders.ge-ზე ჩატარებული ტენდერების შედეგების ამსახველ სტატისტიკურ მონაცემებზე დაყრდნობით, Etenders.ge უპირველეს ყოვლისა საკუთარ ძალისხმევას აფასებს?

შეგახსენებთ, რომ ჩვენი საქმიანობის მთავარ მიმართულებას არა მხოლოდ ჩვენი ელექტრონული სისტემის მუდმივი გაუმჯობესება განეკუთვნება. ჩვენთვის არანაკლებ პრიორიტეტულია, მაგალითად, გამოცხადებული ტენდერების შესახებ პოტენციურ მიმწოდებელთა ინფორმირება და წინადადებების წარდგენისას ტექნიკური დახმარების გაწევა.

ქვემოთ მოყვანილია 2016 წლის 8 თებერვლის მდგომარეობით Etenders.ge-ზე ჩატარებულ ტენდერებში (213 ტენდერი) შედეგების ამსახველი ძირითადი აღწერილობითი სტატისტიკები.

ჩატარებული კომერციული ტენდერების 63%-ის შემთხვევაში შემსყიდველი ორგანიზაციების მიერ არჩეულ იქნა ელექტრონული ტენდერები, რაც გულისხმობს არა მხოლოდ სატენდერო განცხადების და დოკუმენტაციის Etenders.ge-ზე განთავსებას, არამედ წინადადებების მიღებას ელექტრონული ფორმით ჩვენივე სისტემის საშუალებით.

ელექტრონული ტენდერების დაახლოებით 86%-ში ორგანიზაციების მიერ არჩეულ იქნა წინადადებების წარდგენა ერთი კონვერტის პრინციპით, ხოლო 12.5% ჩატარდა რევერსული აუქციონის სახით. უმნიშვნელო წილი მოდის პრეკვალიფიკაციის მოდულის გამოყენებაზე (რაც ბუნებრივია, პრეკვალიფიკაციის თავისებურებიდან გამომდინარე).

მიმწოდებლების მხრიდან წინადადებების წარდგენა განხორციელდა გამოცხადებული ელექტრონული ტენდერების 91%-ში (ჩვენი ტერმინოლოგიით, ტენდერს მიენიჭა სტატუსი „დასრულებულია"). საშუალოდ, დასრულებულ ტენდერში მონაწილეობა მიიღო 3.97 პრეტენდენტმა.

უნდა აღინიშნოს, რომ დასრულებული ტენდერების 86.2%-ში წინადადება არანაკლებ ორმა პრეტენდენტმა წარადგინა. ტენდერში პრეტენდენტების რეკორდული მაჩვენებელი, დღეის მდგომარეობით, შეადგენს 15-ს. საშუალოდ სატენდერო განცხადებას ნახულობს 373 დაინტერესებული პირი.

გსურთ კომერციული შესყიდვები წარმართოთ გამჭვირვალედ და ეფექტიანად? გაწევრიანდით Etenders.ge-ს Facebook ჯგუფში და მიიღეთ უახლესი ინფორმაცია შესყიდვების სფეროში. გჭირდებათ კონსულტაცია? დაგვიკავშირდით!

დარეგისტრირდით Etenders.ge-ზე და გამოაცხადეთ თქვენი პირველი კომერციული ტენდერი უფასოდ!

წყარო: საკუთარი დაანგარიშებები

სტატიის ავტორი: ალექსანდრე ჩხიკვიშვილი