Etenders.ge 10.10.2016
იცოდით, რომ შესყიდვის ობიექტის აღწერისას ფუნქციებზე, მიზნებსა და შედეგებზე ორიენტირება მნიშვნელოვნად აუმჯობესებს შესყიდვის შედეგებს?
აღსანიშნავია, რომ შედეგზე ორიენტირებული და ფუნქციური სპეციფიკაციებით აღწერილი შესყიდვის ობიექტის შემთხვევაში, როგორც წესი, პოტენციურ მიმწოდებელთა რაოდენობა მნიშვნელოვნად მეტია ვიდრე ტექნიკური სპეციფიკაციების შემთხვევაში. აღნიშნული განპირობებულია შემსყიდველების მხრიდან განსხვავებული ალტერნატივების დაშვებით. გამომდინარე აქედან, რეკომენდირებულია ტექნიკური სპეციფიკაციების მხოლოდ იმ შემთხვევაში გამოყენება, როდესაც შესყიდვის ობიექტის დეტალური აღწერა ვერ ხერხდება ფუნქციური და შედეგზე ორიენტირებული სპეციფიკაციების საშუალებით. სწორედ ამიტომ, მაგალითად, საქართველოს სახელმწიფო/საჯარო შესყიდვების მარეგულირებელი კანონმდებლობის მიხედვით, "უპირატესობა უნდა მიენიჭოს შესრულებისა და ფუნქციური სპეციფიკაციების ზოგად აღწერას".
