ქვემოთ წარმოდგენილია Etenders.ge-ზე პირველი 50 კომერციული ტენდერის შედეგების ამსახველი ძირითადი სტატისტიკა. პლატფორმის მიზანია ამ მაჩვენებლების მუდმივი გაუმჯობესება, რაც პირდაპირ კავშირშია მის გრძელვადიან წარმატებასთან.

Etenders.ge-ზე გამოცხადებული ტენდერების 87.5%-ზე მიმწოდებლების მხრიდან წარდგენილ იქნა სატენდერო წინადადება. დასრულებულ ელექტრონულ ტენდერებში საშუალოდ 3.5 პრეტენდენტი მონაწილეობდა, ხოლო მაქსიმალურმა რაოდენობამ მიაღწია 9-ს.

აღსანიშნავია, რომ წარმატებულად დასრულებული ტენდერების მხოლოდ 20%-ში დაფიქსირდა ერთი პრეტენდენტის მონაწილეობა, ხოლო დაახლოებით 66%-ში — არანაკლებ 3 პრეტენდენტისა. ეს მაჩვენებელი ადასტურებს, რომ კომერციული ტენდერების გამოცხადება ელექტრონულ პლატფორმაზე რეალურ კონკურენციას უზრუნველყოფს.

წარმატებულად დასრულებულ ტენდერებში განცხადების საშუალო ნახვების რაოდენობამ შეადგინა 452. მნიშვნელოვანია, რომ სისტემა ითვლის მხოლოდ უნიკალურ ნახვებს — ერთი მომხმარებლის მიერ განმეორებითი ვიზიტი მრიცხველს არ ზრდის. ასევე მრიცხველის ჩვენება უცვლელი რჩება მას შემდეგ, რაც შესყიდვის პროცედურა სრულდება.

გამოცხადებული ტენდერების დაახლოებით 80% ჩატარდა ერთი კონვერტის პრინციპით. დარჩენილი 20% თითქმის თანაბრად გადანაწილდა რევერსულ აუქციონსა და განცხადებაზე. პრეკვალიფიკაციის მოდული შედარებით იშვიათად გამოიყენება შემსყიდველი ორგანიზაციების მიერ, რაც იმის მანიშნებელია, რომ შესყიდვის გარკვეული პროცედურები, როგორიცაა შეზღუდული პროცედურა (restricted procedure) და კონკურენტული დიალოგი (competitive dialogue), საქართველოში ჯერჯერობით ნაკლებად გამოიყენება. სტატისტიკა ასევე აჩვენებს, რომ კომერციულ შესყიდვებში ნაკლებად გამოიყენება შესყიდვის ინსტრუმენტები (procurement tools), როგორიცაა სხვადასხვა ტიპის ჩარჩო შეთანხმებები (framework agreements).

თუ გსურთ კომერციული შესყიდვები წარმართოთ კონკურენტულ გარემოში, დარეგისტრირდით Etenders.ge-ზე და გამოაცხადეთ თქვენი პირველი ტენდერი უფასოდ. გჭირდებათ დახმარება? დაგვიკავშირდით!

წყარო: საკუთარი დაანგარიშებები

სტატიის ავტორი: ალექსანდრე ჩხიკვიშვილი