2026 წლის პირველ ოთხ თვეში Etenders.ge-ზე სულ 444 სატენდერო პროცედურა გამოქვეყნდა. მათ შორის 193 იყო ელექტრონული ტენდერი (ღია ელექტრონული ტენდერი 1 კონვერტის და 2 კონვერტის პრინციპით, რევერსული აუქციონი ან პრეკვალიფიკაცია), ხოლო დანარჩენი 251 — განცხადება, რომელიც არაელექტრონული პროცედურის ფორმატს წარმოადგენს და სადაც პრეტენდენტების წინადადების წარდგენა არ ხორციელდება შესყიდვების ელექტრონული სისტემის საშუალებით. ასეთ შემთხვევაში პრეტენდენტების რაოდენობა სისტემაში არ ფიქსირდება.

კონკურენციის დონის ანალიზი ეფუძნება სწორედ 193 ელექტრონულ ტენდერს — იმ პროცედურებს, სადაც მონაწილეთა რაოდენობა ფიქსირდება სისტემაში და გაზომვადია.

სატენდერო პროცედურების განაწილება ოთხი თვის განმავლობაში (განცხადებების ჩათვლით):

ყველაზე აქტიური თვე იყო მარტი — 146 პროცედურით სულ და 52 ელექტრონული ტენდერით. ნახვების ჯამური მაჩვენებელი — 152,952 — ადასტურებს, რომ პლატფორმა მომხმარებლებისთვის ახალი ხელშეკრულებების ძიების აქტიური სივრცეა.

მხოლოდ ელექტრონული ტენდერების მიხედვით:

• 77.2% — ტენდერების წილი, სადაც 2 ან მეტი პრეტენდენტი მონაწილეობდა (149 ტენდერი)
• 94.8% — ტენდერების წილი, სადაც მინიმუმ ერთი პრეტენდენტი მონაწილეობდა
• 4.0 — საშუალო მონაწილეთა რაოდენობა ყველა ელ. ტენდერზე
• 4.22 — საშუალო მაჩვენებელი მხოლოდ 2+ პრეტენდენტიანი ტენდერების შემთხვევაში
• 10 ტენდერი (5.2%) — სადაც არცერთი პრეტენდენტი არ მონაწილეობდა
• 16 პრეტენდენტი — ყველაზე მაღალი მონაწილეობა

Top 10 ყველაზე კონკურენტული ტენდერი (შემსყიდველი ორგანიზაციის და შესყიდვის ობიექტის მითითებით):

444 სატენდერო პროცედურის განაწილება ტიპების მიხედვით:

• განცხადება — 251 პროცედურა (56.5%)
• ღია ტენდერი (1 კონვერტი) — 152 ტენდერი (34.2%)
• რევერსული აუქციონი — 29 ტენდერი (6.5%)
• პრეკვალიფიკაცია — 8 ტენდერი (1.8%)
• ღია ტენდერი (2 კონვერტი) — 4 ტენდერი (0.9%)

1 კონვერტის ფორმატით ჩატარებული ღია ტენდერების დომინირება ბუნებრივია — შესყიდვის ეს პროცედურა მარტივი და მოქნილია. პროცედურა შემსყიდველს საშუალებას აძლევს ერთდროულად შეაფასოს ფასი და ხარისხი. აუქციონი, სადაც ფასი რეალურ დროში კლებულობს, ეფექტური ინსტრუმენტია სტანდარტული და ადვილად შედარებადი შესყიდვის ობიექტებისთვის.

ტოპ 10 შემსყიდველი ყველა პროცედურის (ელექტრონული ტენდერი + განცხადება) რაოდენობის მიხედვით:

სიას სს თელასი მკვეთრად გამოკვეთილი ლიდერობით (173 პროცედურა) მართავს — ეს ძირითადად განცხადებების ფორმატია, რომელსაც კომპანია სისტემატურად იყენებს. ელექტრონული ტენდერების კუთხით კი თიბისი ბანკი და კრედო ბანკი ლიდერობენ, რაც მიუთითებს, რომ საბანკო სექტორი კომერციული შესყიდვების გამჭვირვალობის კულტურის ჩამოყალიბებაში წამყვანი როლს ასრულებს. ასევე გამოირჩევა სამედიცინო სექტორი — ავერსის კლინიკა და ავერსი–ფარმა ორივე ტოპ 10-ში მოხვდა.

Etenders.ge-ს 2026 წლის პირველი ოთხი თვის სტატისტიკა დადებით ტენდენციებს ასახავს. კომერციული ელექტრონული ტენდერები სტაბილურად ინარჩუნებს მაღალ კონკურენციის დონეს — ტენდერების 77.2%-ში 2 ან მეტი პრეტენდენტი მონაწილეობდა, საშუალო მაჩვენებელი კი 4.0-ს უტოლდება. ეს რიცხვები მეტყველებს, რომ პლატფორმა მიმწოდებლებისთვის ნამდვილ შესაძლებლობად იქცა. შემსყიდველებს კი ეს მონაცემები ადასტურებს: ტენდერის გამოცხადება ნიშნავს რეალური კონკურენციის მოზიდვას და შესყიდვის ობიექტის მიღებას კონკურენტულ ფასად.

თუ თქვენი კომპანია ჯერ არ იყენებს ელექტრონულ ტენდერებს შესყიდვების განსახორციელებლად, ეს სტატისტიკა კარგი მიზეზია დასაწყებად. გაიარეთ რეგისტრაცია Etenders.ge-ზე და შემოუერთდით კომპანიებს, რომლებიც შესყიდვებს გამჭვირვალედ და ეფექტიანად ახორციელებენ.

წყარო: Etenders.ge-ს შიდა სტატისტიკა, 2026 წლის იანვარი–აპრილი

სტატიის ავტორი: ალექსანდრე ჩხიკვიშვილი