დამატებითი ინფორმაცია:

ტენდერი პროექტირება-მშენებლობაზე
შპს „აქვაგეო“ აცხადებს ტენდერს წყლის ჩამომსხმელი ქარხნის პროექტირებასა და მშენებლობაზე ყაზბეგის მუნიციპალიტეტის, სოფელ კობში.
ტენდერი ჩატარდება ორ ეტაპად:
პირველ ეტაპზე მოხდება საპროექტო სამუშაოებისათვის გათვალისწინებული შემოთავაზებების განხილვა და საუკეთესოების გადარჩევა, თანდართულ ტექნიკურ ფაილში მოცემული საპროექტო მოცულობების მიხედვით. მოცემული შემოთავაზება უნდა ითვალისწინებდეს სრული საპროექტო სამუშაოების ხარჯთაღრიცხვას და საბოლოო პროექტის შექმნას.
მეორე ეტაპზე გასული კომპანიები მიიღებენ დამატებით სამშენებლო სამუშაოების დეტალურ ტექნიკურ დოკუმენტაციას (ტექნიკური დავალება, ტოპოგეგმა, გეოლოგიური დასკვნა), რის საფუძველზეც უნდა მომზადდეს სრული სამშენებლო პროექტი და ხარჯთაღრიცხვა.
მეორე ეტაპზე მოხდება შემოთავაზებული სამშენებლო პროექტის ხარჯთაღრიცხვის განხილვა და გამარჯვებული კომპანიის გამოვლენა, რომელიც შემოთავაზებული პროექტის და სამშენებლო ღირებულების მიხედვით განახორციელებს სამუშაოებს.
ტენდერში მონაწილე კომპანიის საკვალიფიკაციო მოთხოვნები:
• კომპანიას ბოლო 5 წლის განმავლობაში უნდა უფიქსირდებოდეს ჯამური ბრუნვა არანაკლებ 10 მილიონი ლარის ოდენობით, ამასთან უნდა ჰქონდეს განხორციელებული მინიმუმ 1 პროექტი, რომლის ღირებულება შეადგენს არანაკლებ 3 მლნ. ლარს
• კომპანიას უნდა გააჩნდეს ანალოგიური სამუშაოების შესრულების გამოცდილება, სამრეწველო მშენებლობის მიმართულებით, კერძოდ: ლითონკონსტრუქციების, სენდვიჩ-პანელების, სამშენებლო/სამონტაჟო სამუშაოების, შიდა და გარე წყალმომარაგების-წყალარინების, შიდა სარემონტო, იატაკის ეპოქსიდური საფარის მოწყობის გამოცდილება.
• კომპანიას არ უნდა უფიქსირდებოდეს დავალიანება ბიუჯეტის მიმართ
შემოთავაზებების შეფასება მოხდება შემდეგი კრიტერიუმებით:
• კომპანიის მიერ შესრულებული პროექტები და გამოცდილება
• შესასრულებელი საპროექტო და სამშენებლო სამუშაოების ღირებულება
• განხორციელების ვადები
• გადახდის პირობები
ტენდერში მონაწილეობისათვის კომპანიამ უნდა წარმოადგინოს შემდეგი დოკუმენტაცია:
პირველ ეტაპზე (გამოგზავნის ბოლო ვადაა 2016 წლის 31 იანვარი)
• ამონაწერი საჯარო რეესტრიდან
• ინფორმაცია კომპანიის მიერ განხორციელებული პროექტების და ზოგადად გამოცდილების შესახებ
• საპროექტო შემოთავაზების ხარჯთაღრიცხვა (ექსელის მიბმული ფაილის შესაბამისად)
მეორე ეტაპზე ( გამოგზავნის ბოლო ვადაა 2016 წლის 20 თებერვალი.)
• პროექტის სამშენებლო სამუშაოების სავარაუდო ხარჯთაღრიცხვა
• ცნობა შემოსავლების სამსახურიდან ბიუჯეტისადმი დავალიანების არქონის შესახებ



დამატებითი პირობები:
• გამარჯვებულ კომპანიასთან დამკვეთთან შეთანხმებით შეიძლება მოხდეს გარკვეული ტიპის კორექტირებები და დაზუსტებები.
• მშენებლობის პროცესში შემსრულებელმა კომპანიამ დამკვეთთან წინასწარ უნდა წარმოადგინოს და შეათანხმოს ყველა ძირითადი გამოსაყენებელი მასალების ნიმუშები და იყოს მუდმივ კოორდინაციაში დამკვეთი კომპანიის წარმომადგენელთან
• პროექტი უნდა ითვალისწინებდეს ISO და HACCP სტანდარტების მიხედვით სამშენებლო ნორმების დაცვას.
ტენდერში მონაწილე კომპანიამ პირველი ეტაპის სატენდერო დოკუმენტაცია უნდა წამოადგინოს ელექტრონულად შემდეგ მისამართზე: info@kobi.ge
შემოთავაზებების წარდგენის ბოლო ვადაა 2016 წლის 31 იანვარი.

საკონტაქტო პირი: ირაკლი ქურდაძე
ტელ.: +995 599 05 50 05