დამატებითი ინფორმაცია:

შპს "უნიკომი"-ს საცალო ქსელი წარმოდგენილია 6 სავაჭრო ობიექტით საქართველოს მასშტაბით. ჩვენ ვთანამშრომლობთ ისეთ ბრენდებთან, როგორიცაა Apple, Samsung, Asus, Acer, Xiaomi, Philips, Canon, Toshiba, TCL და სხვა. ჩვენი მიზანია, საუკეთესო ექსპერტული კონსულტაციით, სანდოობით, ბაზარზე მუდმივი სიახლეებისა და ინოვაციების დანერგვით, მოვიპოვოთ ტექნიკის გაყიდვის სფეროში წამყვანი კომპანიის სახელი. ამ მიზნის მისაღწევად მივიღეთ გადაწყვეტილება ჩვენი არსებული ელექტრონული კომერციის პლატფორმის უფრო თანამედროვე პლატფორმით ჩანაცვლების თაობაზე. 

„უნიკომი“ აცხადებს ტენდერს ელექტრონული კომერციის ვებსაიტის შესაქმნელად.

ტენდერში მონაწილეებმა უნდა წარმოადგინონ სატენდერო წინადადება, რომელიც აუცილებლად უნდა მოიცავდეს შემდეგ ინფორმაციას:

- მონაწილის პროფილი

- ელექტრონული კომერციის საიტების მაგალითები საკუთარი პორტფელიდან

- პროექტის განფასება, სადაც მკაფიოდ იქნება გამოყოფილი:

    - ძირითადი ფუნქციონალის (რომელიც არ არის მონიშნული როგორც არასავალდებულო) ღირებულება

    - არასავალდებულოდ მოხსენებული ფუნქციების (თითოეული ცალ-ცალკე) ღირებულება

    - ინტეგრაციების (თითოეული ცალ-ცალკე) ღირებულება;

    - ტექნიკური მხარდაჭერის (support) წლიური ღირებულება და პირობები

- ინფორმაცია იმ ე.წ. „ძრავის“ (engine) შესახებ რომლის გამოყენებაც იგეგმება

- შესრულების დეტალური გრაფიკი, რომელიც აუცილებლად უნდა მოიცავდეს, მაგრამ შეზღუდული არ უნდა იყოს შემდეგი პუნქტებით:

    - დიზაინის შეთანხმება

    - პროტოტიპის მომზადება

    - ტესტირება

    - პერსონალის ტრეინინგი

    - პილოტირება

    - გაშვება

    - უფასო 3 თვიანი მხარდაჭერის პერიოდი

ძირითადი ნაწილის შეფასებისას, გათვალისწინებული უნდა იყოს რომ პროექტის იმპლემენტაცია შესაძლოა მოხდეს არასავალდებულო კომპონენტების და ზოგიერთი ინტეგრაციის გარეშე და ამ ფაქტორმა არ უნდა გამოიწვიოს ძირითადი ფუნქციონალის რეალიზაციის გადაფასება.

წინადადება წარმოდგენილი უნდა იყოს არაუგვიანეს 20 სექტემებრის 18:00 საათისა ელ. ფოსტის მისამართზე tenders@unicom.ge და subject-ში მითითებული უნდა იყოს „შეთავაზება ელ. კომერციის პლატფორმის შექმნაზე”.

ტექნიკური დავალება შეგიძლიათ იხილოთ მიმაგრებული ფაილის სახით. შერჩეულ შემსრულებელთან ხელშეკრულების გაფორმებამდე მოხდება ამ დოკუმენტის ერთობლივი განახლება და შემდგომში გამოყენებული იქნება როგორც ხელშეკრულების დანართი.

ჩვენი კომპანია იტოვებს უფლებას შეწყვიტოს ტენდერი ნებისმიერ დროს დამატებითი განმარტების გარეშე და მოახდინოს მონაწილეების მხოლოდ ინფორმირება მიღებული გადაწყვეტილების თაობაზე.

დოკუმენტაცია

---

განცხადების დეტალები

სატენდერო პროცედურის აღწერა