Etenders.ge 17.12.2021
💪 დავასრულეთ სამუშაო შეხვედრები/ტრენინგები თემაზე - სპეციფიკაციების შემუშავება სახელმწიფო ტენდერებში, რომლებიც დაგვიკვეთა GIZ - გერმანიის საერთაშორისო თანამშრომლობის საზოგადოებამ დევნილთა, ეკომიგრანტთა და საარსებო წყაროებით უზრუნველყოფის სააგენტოს თანამშრომლებისათვის.
შეხვედრები ძალიან საინტერესოდ და ნაყოფიერად წარიმართა, რისთვისაც ❤️ გულითად მადლობას ვუხდით შეხვედრების ყველა მონაწილეს და GIZ-ს!
🔆 ამ ტრენინგის ფარგლებში, ინოვაციას წარმოადგენდა ის, რომ სპეციფიკაციების შემუშავებასთან დაკავშირებული მრავალი აქტივობა სწორედ სამუშაო შეხვედრების ფარგლებში წარიმართა. მსჯელობა ბენეფიციარის საჭიროების შესახებ, მიწოდების ბაზრის კვლევის შედეგების განხილვა, დარგის სპეციალისტებთან გამართული კონსულტაციები და სპეციფიკაციების საბოლოო ფორმულირება განეკუთვნება ზემოაღნიშნული აქტივობების მაგალითებს.
გარდა ცოდნის და გამოცდილების გაზიარებისა, შეიქმნა ნეიტრალური სპეციფიკაციები 11 დასახელებულ შესყიდვის ობიექტზე, რომელთაც დევნილთა, ეკომიგრანტთა და საარსებო წყაროებით უზრუნველყოფის სააგენტო მომავალში შეისყიდის და გადასცემს მის ბენეფიციარებს.
