გაყიდვების სისტემის ინსტრუქციები / ხშირად დასმული კითხვები




როგორ შეგვიძლია გამოვიყენოთ Etenders.ge-ს გაყიდვების ელექტრონული სისტემა?

Etenders.ge-ს გაყიდვების ელექტრონული სისტემა გაძლევთ საშუალებას, მოახდინოთ პროდუქტის/სერვისის ერთჯერადი რეალიზაცია სისტემაში ინტეგრირებული განსხვავებული ტიპის სარეალიზაციო პროცედურის/აუქციონის გამოყენებით. შესაძლებელია ასევე სისტემა გამოყენებულ იქნას ბიზნეს პრატნიორის ძიებისათვის, თანამშრომლობის ხანგრძლივი პერსპექტივით.

პროცესი Etenders.ge-ზე იწყება იმით, რომ თქვენს მიერ გაყიდვების ელექტრონულ სიტემაში იდება შესაბამისი განაცხადი. განაცხადის გამოქვეყნებისთანავე Etenders.ge ატყობინებს შესაბამის სფეროში მოღვაწე კომპანიებს თქვენი განაცხადის და სარეალიზაციო ობიექტის შესახებ. აღნიშნულზე საპასუხოდ, თქვენ ღებულობთ წინადადებებს დაინტერესებული პირების მიერ, რომელთაგან ირჩევთ საუკეთესოს.

წინადადებების მიღების ერთ-ერი მნიშვნელოვანი წინაპირობაა ის, რომ თქვენი განაცხადი საჭიროა აღწერდეს, თუ რა პროდუქტის რეალიზაცია გსურთ. ამისათვის, ტექსტურ აღწერებთან ერთად, როგორც წესი, სისტემაში იტვირთება სარეალიზაციო ობიექტის ფოტოსურათ(ებ)იც.

სარეალიზაციო განაცხადის Etenders.ge-ზე განთავსებისათვის, საჭიროა, რომ თქვენ შეხვიდეთ სისტემაში თქვენი ელექტრონული ფოსტის და პაროლის მითითებით, დააჭიროთ ღილაკს „გაყიდვის გამოცხადება“ და მიჰყვეთ სისტემაში ინტეგრირებულ სტანდარტულ ველებს, რომელთანაც ასევე განთავსებულია ველის გამოყენების მოკლე ინსტრუქცია.

სარეალიზაციო პროცედურის ტიპის (მაგ. აუქციონით, თუ აუქციონის გარეშე) სწორად შერჩევისათვის, გთხოვთ, იხილოთ ქვემოთ მოყვანილი განმარტებები სისტემაში ინტეგრირებულ სარეალიზაციო პროცედურებთან დაკავშირებით.



რა ტიპის სარეალიზაციო პროცედურებია Etenders.ge-ზე?

Etenders.ge-ზე ინტეგრირებულია განსხვავებული ტიპის სარეალიზაციო პროცედურები: 

  • განცხადების გამოქვეყნებისას, თქვენი სარეალიზაციო განაცხადი თავსდება Etenders.ge-ს გაყიდვების ელექტრონულ სისტემაში, ხოლო წინადადებების მიღება ხორცილდება Etenders.ge-ს გვერდის ავლით -  მაგალითად, სავსებით შესაძლებელია, რომ თქვენ გსურდეთ შეთავაზებების მიღება ქაღალდის ფორმით ან ელექტრონული ფოსტის თუ ტელეფონის საშუალებით.

განცხადებისგან განსხვავებით, Etenders.ge-ზე ინტეგრირებული გაყიდვების ელექტრონული პროცედურები,  გულისხმობენ არა მხოლოდ განაცხადის Etenders.ge-ზე გამოქვეყნებას, არამედ  i) თქვენი პოტენციური ბიზნეს პარტნიორების მხრიდან წინადადებების სისტემის გამოყენებით, ელექტრონული ფორმით წარდგენას (eSubmission), ii) წინადადებების წარდგენის შემდგომი კომუნიკაციის სისტემურად წარმოებას  (მაგალითად, შემდგომი მოლაპარაკებები) და iii) კონკრეტულ რეალიზაციათან დაკავშირებული დოკუმენტაციის/ინფორმაციის Etenders.ge-ზე ხუთი წლის ვადით არქივირებას (რაც, ხშირ შემთხვევაში, კომპანიაში გამოიყენება ანგარიშგების მიზნებისათვის). 

გარდა ზემოაღნიშნულისა, რეალიზაციის პროცესისთვის დამახასიათებელი ზოგიერთი ეტაპი შეუძლებელია წარმართულ იქნას ელექტრონული პროცედურის გამოყენების გარეშე. მაგალითად, პრეტენდენტებს შორის ელექტრონული ვაჭრობა შეუძლებელია განცხადების შემთხვევაში - ამისთვის საჭიროა აუქციონის ჩატარება, რომელიც ტარდება ელექტრონული ფორმით.

Etenders.ge-ზე ინტეგრირებულია შემდეგი ტიპის ელექტრონული პროცედურები:

  • აუქციონი წარმოადგენს პროცედურას, რომლის დროსაც პრეტენდენტებს შორის იმართება ელექტრონული ვაჭრობა – პრეტენდენტები ონლაინ რეჟიმში ხედავენ ერთმანეთის მიერ დაფიქსირებულ ფასებს (ვინაობების ხილვადობის გარეშე) და ფასების მატების პრინციპით ვაჭრობენ ერთმანეთთან.

ჩვენს სისტემაში ჩაშენებულია აუქციონი, რომელიც ფუნქციონირებს შემდეგნაირად: პრეტენდენტები წარადგენენ მათ წინადადებებს Etenders.ge–ს საშუალებით აუქციონის მსვლელობის ეტაპზე „წინადადებების მიღება დაწყებულია“. განმცხადებლის მიერ წინასწარ განსაზღვრულ დროს მთავრდება წინადადებების მიღება და იწყება ელექტრონული ვაჭრობის ეტაპი „მიმდინარეობს ვაჭრობა“. აღნიშნული ეტაპის საწყისი ხანგრძლივობა შეადგენს 15 წუთს, ხოლო მსვლელობის უკანასკნელი ორი წუთის განმავლობაში აუქციონის დარჩენილი დრო გახანგრძლივდება და დაბრუნდება ორ წუთზე, იმ შემთხვევაში თუ რომელიმე პრეტენდენტი ფასის მატების შედეგად დააფიქსირებს მის რომელიმე კონკურენტზე მაღალ ფასს.

  • რეალიზაცია აუქციონის გარეშე გულისხმობს თქვენი განაცხადით დაინტერესებული მიმწოდებლების მხრიდან წინადადებების წარდგენას Etenders.ge-ზე ატვირთვის გზით. ასეთი ტიპის პროცედურის გამოცხადებისას, წინადადებების მიღების დაწყება და დასრულება ხორცილდება განმცხადებლის მიერ. როგორც პროცედურის სახელწოდება მიგვანიშნებს, ელექტრონული ვაჭრობა არ იმართება.

როგორც აუქციონი, ასევე რეალიზაცია აუქციონის გარეშე შესაძლებელია გამოცხადდეს შეზღუდული პროცედურის, ან ანონიმური განაცხადის სახით. შეზღუდული პროცედურის შემთხვევაში, წინადადებების წარდგენის საშუალება ეძლევათ მხოლოდ თქვენს მიერ შერჩეულ პრეტენდენტებს (მაგ. გსურთ რომ ივაჭრონ კონკრეტულმა პირებმა). ანონიმური განაცხადის შემთხვევაში, რეალიზატორის  ვინაობა, გამოუჩნდებათ მხოლოდ იმ კომპანიებს, რომლებმაც წარადგინეს წინადადებები, მას მერე რაც ‘’სარეალიზაციო განაცხადი’’ დასრულდება. 

ტექნიკურად, შეზღუდული პროცედურის გამოცხადება ხორციელდება შემდეგნაირად: პროცედურის გამოცხადებისას, შესაბამისი ველის გააქტიურების შემდეგ, თქვენ ახდენთ იმ მიმწოდებლების დამატებას,  რომელთაც სისტემა მისცემს წვდომას თქვენი განაცხადის დეტალებზე და მისცემს წინადადებების წარდგენის საშუალებას. წინაპირობას განეკუთვნება მხოლოდ ის, რომ პრეტენდენტი, რომელსაც მიეცემა შეზღუდულ პროცედურაში მონაწილეობის უფლება, საჭიროა იყოს რეგისტრირებული Etenders.ge-ზე.

მიმდინარეობის რა სტატუსები გააჩნია ელექტრონულ სარეალიზაციო პროცედურებს?

Etenders.ge-ზე ინტეგრირებული სტატუსები ემსახურება პროცედურების მოწესრიგებულ მიმდინარეობას და სისტემაში გარკვეული ქმედებების დაშვებას/არ დაშვებას. ყოველი სტატუსის მინიჭებას სისტემა ახდენს ავტომატურად, განმცხადებლის მიერ მითითებული დროების შესაბამისად.

შუალედური სტატუსები: სტატუსი „გამოცხადებულია“ სარეალიზაციო განაცხადს ენიჭება გამოცხადებისთანავე ავტომატურად. აღნიშნული სტატუსის განმავლობაში პოტენციურ პრეტენდენტებს აქვთ შესაძლებლობა, გაეცნონ განცხადებას და დოკუმენტაციას, ხოლო რეალიზატორს – განახორციელოს განცხადებისა და დოკუმენტაციის ცვლილება და, საჭიროების შემთხვევაში, სარეალიზაციო განაცხადის შეწყვეტა. 

სტატუსის განმავლობაში სისტემაში ჩართულია კითხვა–პასუხის მოდული, რომელიც იძლევა რეალიზატორსა  და (სიტემაში რეგისტრირებულ) პრეტენდენტს  შორის კომუნიკაციის საშუალებას დეტალებში განთავსებული სათანადო ველების გამოყენებით. კითხვა–პასუხის მოდულის გამოყენებისას სისტემა უზრუნველყოფს პოტენციური პრეტენდენტის  ანონიმურობას. 

სტატუსზე „წინადადებების მიღება დაწყებულია“ პრეტენდენტებს  ეძლევათ საშუალება, სისტემაში ატვირთონ მათი წინადადებები (ან გააუქმონ და/ან შეცვალონ მათ მიერ წარდგენილი წინადადებები) – აღნიშნულ სტატუსზე გადასვლისთანავე რეგისტრირებული მომხმარებლებისათვის სისტემაში ჩნდება ღილაკი „განაცხადის გაკეთება“. სტატუსზე გადასვლისთანავე, განმცხადებლისთვის შეუძლებელი ხდება განაცხადის ცვლილება. აღნიშნული სტატუსის განმავლობაში სისტემაში ასევე ჩართულია კითხვა–პასუხის მოდული. წინადადების მიღების პერიოდის ხანგრძლივობას ირჩევს რეალიზატორი,  მისი შეხედულებისამებრ, ‘’სარეალიზაციო განაცხადი’’-ს  გამოცხადებისას. სტატუსზე გადასვლა ხორციელდება ავტომატურად და არ საჭიროებს რეალიზატორის მხრიდან რაიმე დამატებით ქმედებას. 

სტატუსი „მიმდინარეობს ვაჭრობა“  სარეალიზაციო განაცხადს   ენიჭება მხოლოდ აუქციონის შემთხვევაში. ელექტრონული ვაჭრობა იწყება ავტომატურად, წინადადებების მიღების დროის პერიოდის დასრულებისთანავე. წინადადებების დასასრულის/ელექტრონული ვაჭრობის დაწყების დროის მომენტის არჩევა ხორციელდება რეალიზატორის მიერ აუქციონის გამოცხადებისას კალენდარის ფუნქციის გამოყენებით.

საბოლოო სტატუსები: სტატუსი „დასრულებული“ წარმოადგენს სარეალიზაციო განაცხადის   საბოლოო სტატუსს, რომელიც ენიჭება განაცხადს ავტომატურად მას შემდეგ, რაც ამოიწურება რეალიზატორის  მიერ წინადადებების მიღებისათვის განსაზღვრული დროის პერიოდი. 

განსხვავება „დასრულებულს“ და „არ შემდგარს“ შორის მდგომარეობს იმაში, რომ სარეალიზაციო განაცხადს  ენიჭება სტატუსი „დასრულებული“ იმ შემთხვევაში, თუ განაცხადში მონაწილეობა მიიღო არანაკლებ ერთმა პრეტენდენტმა. განაცხადს მიენიჭება სტატუსი „შეყვეტილი“ იმ შემთხვევაში, თუ რეალიზატორი განახორციელდებს განაცხადის  შეწყვეტას მიმდინარეობის ეტაპზე "გამოცხადებულია".

არის თუ არა შესაძლებელი, სარეალიზაციო განაცხადის დასრულების შემდეგ, პრეტენდენტებთან კომუნიკაცია სისტემის საშუალებით?

დიახ, რეალიზაციის ელექტრონული პროცედურის შემთხვევაში ეს შესაძლებელია. 

ამისათვის, სისტემაში ჩაშენებულია ეგრეთწოდებული კომუნიკაციის მოდული, რომელიც იძლევა, როგორც მარტივი მიწერ-მოწერის (ჩატი), ასევე ფაილის გადაგზავნის/მიღების საშუალებას. 

როგორც კომუნიკაციის ინიცირებას (მოდულის ჩართვას), ასევე კომუნიკაციის დასრულებას ახდენს განმცხადებელი/რეალიზატორი.


რა ინფორმაცია არქივირდება სისტემაში, რა ვადით და სად ვიხილავთ არქივირებულ ინფორმაციას?

განცხადების გამოქვეყნების შემთხვევაში, სისტემაში მოხდება განცხადების დეტალების და თანდართული დოკუმენტების არქივირება. 


ელექტრონული ტენდერების შემთხვევაში, სისტემაში მოხდება არა მხოლოდ სატენდერო განცხადებისა და დოკუმენტაციის, არამედ სისტემურად მიღებული სატენდერო წინადადებებისა და წინადადების წარდგენის შემდეგ პრეტენდენტებთან განხორციელებული კომუნიკაციის არქივირება არანაკლებ ხუთი წლის ვადით. 

არქივირებული ინფორმაცია ხელმისაწვდომია შესაბამისი სარეალიზაციო განაცხადის დეტალებში და შესაბამისი მომხმარებლისთვის ხელმისაწვდომია (ინტერნეტთან დაკავშირებული კომპიუტერით) ნებისმიერ დროს ნებისმიერი ადგილიდან.

როგორ ხდება შეთავაზების გაკეთება?

შეთავაზების გაკეთების გზა დამოკიდებულია იმაზე თუ რა ტიპის პროცედურაში გსურთ მონაწილეობის მიღება.

იმ შემთხვევაში, თუ ეს არის განცხადება, შეთავაზების გაკეთება ხორციელდება Etenders.ge-ს გვერდის ავლით (განმცხადებლის სურვილიდან გამომდინარე). ამიტომ, განცხადების შემთხვევაში, როგორც წესი, დეტალებში განმცხადებელი უთითებს თუ რა ფორმით სურს მას შეთავაზებების მიღება.

ელექტრონულ პროცედურაში მონაწილეობის მისაღებად, საჭიროა, დარეგისტრირდეთ Etenders.ge–ზე (თუ ჯერ არ ხარ რეგისტრირებული) და თქვენი ელ. ფოსტის და პაროლის მითითებით შეხვიდეთ სისტემაში. სარეალიზაციო განაცხადის მიმდინარეობის სტატუსზე "წინადადების მიღება დაწყებულია", განაცხადის დეტალებში, ღილაკ "მონაწილეობის მიღება"–ზე დაჭერით, თქვენ გეძლევათ საშუალება, ფაილების სახით სისტემაში ატვირთოთ თქვენი წინადადება.
 
მანამ, სანამ დასრულდება წინადადებების წარდგენა, თქვენ გაქვთ შესაძლებლობა, შეცვალოთ ის არაერთხელ, რაც არ საჭიროებს თქვენი მხრიდან დამატებითი ხარჯების გაღებას. წინადადების შეცვლისათვის გადადით განაცხადის დეტალებში და დააჭირეთ ღილაკს „რედაქტირება“. 

ღილაკ „განაცხადის გაუქმება“–ზე დაჭერით, თქვენი წინადადება წაიშლება სისტემიდან. გაითვალისწინეთ, რომ განაცხადის გაუქმების შემთხვევაში თქვენ არ გიბრუნდებათ თქვენს მიერ გადახდილი საფასური.


როგორ ხდება გამოცხადების/მონაწილეობის საფასურის გადახდა?

როგორც სარეალიზაციო განაცხადის  გამოცხადების, ასევე განაცხადში მონაწილეობის მიღების საფასურის გადახდა შესაძლებელია ოფისიდან გაუსვლელად, სისტემაში ინტეგრირებული ონლაინ გადახდების მოდულის საშუალებით, ბანკის ბარათის გამოყენებით.

იმ შემთხვევაში, თუ თქვენს კომპანიას არ გააჩნია ბანკის ბარათი, გთხოვთ დაგვიკავშირდეთ, იმისათვის რათა თქვენ მოგეცეთ სისტემაში ოპერირების საშუალება გადახდის მოდულის გამოყენების გარეშე. ასეთ შემთხვევაში თქვენს მიერ გადახდების წარმოება განხორციელდება ჩვენს მიერ გადმოგზავნილი ინვოისის საფუძველზე.

გაყიდვების სისტემით სარგებლობის რა ტარიფები მოქმედებს?

ჩვენს შემთხვევაში მოქმედებს შემდეგი ფიქსირებული გადასახადები:

განაცხადის გაკეთება პროდუქციის რეალიზაციაზე:
  • განცხადება რეალიზაციაზე: 30 ლარი
  • განცხადება რეალიზაციაზე აუქციონის გარეშე (წინადადებების მიღება ელექტრონულად): 30 ლარი
  • აუქციონი (წინადადებების მიღება ელექტრონულად + ვაჭრობის ეტაპი): 50 ლარი
წინადადების წარდგენა: 
  • ნებისმიერი ტიპის ელექტრონულ პროცედურაში მონაწილეობის ფასი შეადგენს 30 ლარს


მომხმარებლის სახელმძღვანელო



სისტემის მართვის ინსტრუქცია.pdf